MFUMU YESU NKIDISHITU: KWALUKIILA KWAYE
Kidishitu balombeshe mufubo ku nkulusu (kipindji2). Nkukamina dimo kwiulu, mwikale musasakate bwa kwitwikasha mu miasu yaye ilekienelekiene (kipindi 3) na ku mafuku e kumpala akalukiila ; kuno kwaluka a kukamweneka mu bipindji bibidi :
- Kwiboshibwa na
- Kumweneka
4.1. bena Nkidishitu abatengiela kinyi ?
Bena Kidishitu abatengiela kufika kwa Kidishitu bwa kwibebosha (sunga’shi kwibata pashi pa nsenga uno mwanda ngufundjibwe mu Tesalonika 4,16-17
« mwanda Mfumu nabene na musase wa matalua…, akayka mwiulu…, akupu n’atwe abatala bekale na muwa, atukekala batshibwe pamune naabo mu makumbi, mu kufumakana na mfumu mu lupunga »
Kano kalongo, aketulambukisha shi (a) Kidishitu akafiki aye nabene, naa’shi « (b) kuno kufumankana akukamweneka mu lupunga kushi pano pa nsenga.
Dino eyendo dia kwiboshibwa tadibaadi dibande kuleshibwa mu kilombeeno kikulu nya : « talanga ne nulungula kifiibwe ; atwe boso tatukaladidiila tulo nya, anka atukekala baluulwe boso. » 1 Kodinda 15,51.
Bangi bena Kidishitu abela meshi shi, bibatungibwe kutengiela bufumu, sunga kulunbula kwa kukituula kwa bufumu.
Peni paapa, Kidishitu akela eyi shi : « olo, nafiki binobino », na mutengielo w’eyendo wa bwina Kidishitu ngwa kutengiela uno mwanda Amena, fika Mfumu yesu. Kibafumbwilwe 22,21, tala namu dimo Yoano 14,2-3 ; Mateo 24,45-50
4.2. Ino Mianda Aikakitshika Kumpala Kwa Kwiboshibwa Su ?
Ayoyo, sunga kimune.
Kwiboshibwa kupwandikile ku kitshika sunga ku kipindi kikampanda.
Mu kano kalongo katemukwe mu lunkonko lwa kwibedi Mpolo akula shi « atwe abatala atukatshibwa sunga shi atukasomonwa.
Bino abilesha shi sunga benyi bena Kidishitu ba kipungo kia kumpala babatengielanga ; natue namu twibatungibwe kutengiela kufika kwa Mfumu mu kipindi kioso na bikishekishe mafuku oso a muwa wabo.
4.3. Kwiboshibwa Kwa Kidishitu Akupatula Kinyi ?
Nguno mwanda kidishitu watengiela binobino. Aye mulume na abikekala mulo bwaye’ye pa kwata mpianyi aye bwa kwikala naye ; bikile buwa bwa kwela biabia binangu ku lwalwa lupese, bu bibaadi Mpolo akulashi : « aku namu bino bilombene Mfumu kwinamisha mashimba enu ku kifulo ki’Efile mukulu, na ku lwishinko lwa Kidishitu ».2 Tesalonika 3,5. Atusangana mwanka kileshesho mu kutengiela kwa Isaaka pabitale kufika kwa Lebeka mpianyi aye (kibangilo 24,63 pabaadi Mfumu ki kuno ku senga batekiele na kwamba shi « Yaya, nankiebe shi pa mwanda wa bano boodi mumpe, kwakwa kwandjimi, bekale nami kwanka kabidi bwashi bamone ntumbo yande (Yoano 17,24).
4.4. kwiboshibwa bwa bano bekale ba kidishitu akupatula kinyi ?
Abikekala mwabi nyi nfudiilo a dikenga dioso, dia mpolo yoso na kwinyongoshi kooso. Anka panundu pa bino bioso, bino abipatula shi atukekala na Kidishitu bwa losoo : « na, anka biabia atukekala looso na Mfumu » 1Tesalonika 4,17. Bino namu biedibwe mulongo mu Yoano 14,3 « nankalukiila, na nakenuata pepi nami, bwashi kwakwa kwadjimi mwikale, anwe nukekwikale namu ».
Abikekala kukubanyinyina kwa ntumbo na kubeneshibwa kwa lukulupilo na mutengielo wa mutomibwe kifulo, nyi anka biabia babe bishinkamishibwa kwi kifundwe. Bino mbikale eyendo mu mashimba etu su ?
4.5. Mbikunyi biatukwete kuwukashi akukekala kipungo kia makienga ?
Ebuku aditulungula bianka : Yelemiya mupue kwakula bwa kipindji kianeekale kishibadi kikale kwaka kifuanyishene na kianka kipindji kia mitanyo (biongwa) 30,7.
Ndaniele ebishikamishanyi : « Na akukekala kipindji kia biongwa kishibekiele kwanka kasha muilo wekala ku senga mpa na ku kiakia kipindji (Ndanyele 12,1).
Na Mfumu ebiakulanyi dimo : Mateo 24,21 ; Mako 13,19.
4.6. kiatukiebe kwakula pabitale kiongwa sunga’shi kiongwa kikilekile bukata kinyi ?
- Nyi kipindji kia makienga asha mwekiele kasha senga ya pagibwa, akifiki kunyima kwa kwiboshibwa kwa kakongie ;
- Ano makienga aaka kwata :
- Ku lungi lupese senga yoso
- Ku lungi nyi namu Isalele ;
Akukafika kukiengieshibwa kwa bena Yunda akufiki kwi bena Asudi (ESAYA 28) bikale bu bukalanga, na kukengieshibwa kwi pabwako kwa kasaka kapela kasomonwe (ke pabula) ka bena Yunda balamate abakamweshibwa kwi Ante-Kidishitu (Mateo 24,15 na alondo…).
4.7. Mbasantu Kinyi Abakakiila Mu kuno Kukengieshibwa ?
- Bamo abalabunkishashi bena Kidishitu bano bekale kakongie abakakiila mu kipungo kia ano makienga akilekile bukata.
Anka bino’bi nyi binyi ebuku biadilambukisha su ?
- Nya tambioso biobio ; patutala mu :
- Yelemiya 30,7 akula bwa kipindji kia « makienga bwa Yakobo » biabia bwa bena Yuda
- Ndaniele 12,1 akula bwa mwilo wa Ndaniele ; uno mususa dimo nyi bwa Isalele
- Mateo 24 ; akula bwa yaya mianda yimune yakulwe kwi Ndaniele na ankubashanyi bikishekishe na bishinkamishio bibungi bikumbashibwe penda shi bena Yunda abakamwenekielwa na ano makienga :
- Kusukiila ku myengie ya yudeya, kusuka kwabo ku’efuku kushi kuifuku dia sabato.
- Kibafumbwilwe 3 :10 esamba kalolo kwi kakongye ka filandelefi, anka akamika shi mbano balamate, bena kishima abakekala balamibwe ku nguba a kutompibwa akukafika pa nsenga yibombelwe yoso yishima ; kwamba shi beena Kidishitu tabakakidiila ku ano makyenga nya
- Kibafumbwilwe 7 alesha shi bano bakulu (kwikala kakongye nkipese kia ku bakulu) nyi kisaka kya pabwakyo na baaba abakakididila ku ano makyenga.
Tulongo tooso twa mwibuku atunfuka mwanda wa makienga, na atushinkamisha na kishima kioso uno mwanda, basantu abakakidiila kipindji kia ano makienga nta beena Kidishitu nya.
4.8. Bena kidishitu abakafumankana na kutompibwa, na kukidiila mu malwa su ?
Olo, nabyo ! Mfumu balungwile balongi baye bino shi : « Anukakiengyeshibwa ku nsenga ». Mu mpushisho mulonde, oso abiila na kishima kulonda Fumu akafumankana na myanda yibukopo, mpa na ; « Kukiengyeshibwa mwanda nsenga ngikielukye bua nkidishitu » ; sunga biakekala byobyo mbilekiene na « makyenga akata ».
Kalongo ka 2 Tesalonike 1 :4 na 2 :3 akapatula shi makyenga a bena Tesalonike ngelekiene kulakula na « makyenga akata » akashindikisha kufika kw’ « Efuku dya Mfumu » (2 :2) Talula lukonko lwa 4 ku kipindji kya 9.
4.9. Kino kishima akipatula kinyi : « Efuku dya Mfumu » ?
Kino kishima « Efuku dya Mfumu » akifubishibwa bwa kutanyuna kipindji kya nsa (kushikyo kwikala bu efuku dya nsa makumi abidi na inanka (24). Kyakya kipungo kina kya kubanga kunyima kwa kwiboshibwa kwa kakongye na akikashindjikishwa na myanda yina kiakumweka mu kyakya kipungo kya makyenga akata (2 Tesalonika 2 :3-4) Tala
Efuku dya Mfumu adishinkamishibwa kukiila ku biimu bikilekile bukopo (Esaya 13 :9 ; Yowele 1 :15 ; 2,1,11,31 ; Sofoni 1 :8 na koso kubende) Abikamweka kumpala kwa kimwenekyelo kya Kidishitu mu ntumbo na kumunana kwa bipwa kinunu. Mwina Kidishitu ta kakiila ku bino biimu nya. Buaye’ye, Efuku dia muanana adishindikishwa na matapishi (bwedi), na kukila paapa, akapebwe bushito (2 Kodinda 1,14.). mu ino milongo Efuku dia munana aditanyinwa nyi bu : « Efuku dia Kidishitu», Fidipayi 1,10 ; 2,16.
4.10 A nsaa kinyi ayikamweka makienga akata ?
- Ano makienga akata, akamweka mu kipungo kia bipwa bisatu na kipindji, kunyima kwa kwiboshibwa kwa kakongie na kumpala kwa bumfumu.
- Mu butemuki bua Ndaniele pabitale mbingo makumi musambobidi (lubingo lumune lwa butemukilo dwikale bipwa musambobidi), mu Ndaniele 9 lwikale kipaana kishakishinkamishwa pankatshi pa lubingo lwa makumi asamombo na kitema na lubingo lwa makumi musambobidi (Ndaniele 9,25-29).
- Ku mfudjilo a lubingo lwa makumi asamombo na kitema Kidishitu ba babimbwa (mesiya basomonwa) kunyima kwa biabia kubekala kipindji kia kakongie kiatudi lelo, na muwa na binobino kishi kileshibwe na Ndaniele, anka lubingo lwa makumi musambobidi ndushale « kushilo kulombashibwa ».
- Mu kipungo kia bipwa bisatu na kipindi kia kipungo kia makienga, biimu bia biipulunkamba bi’Efile mukulu abikakwata ba pa nsenga (sala, ngoshi… na akulondo ; - kibafumbwilwe 6 na abilondo). Bipwa bisatu na kipindji bia kunyima (abilondo) akikilakila bubi ; kipindji kia makienga asha mwekiele kasha : « ngi anka paapa, akukekala makienga akata ashibadi amweke kasha kubanga nsega kupangibwa kwayo mpa na binobino, na takukekala anginyi ebiabia nya. Mateo 24,21 ngi « makienga akata ».
- Kiakia kipindji kia kabidi pa bibidi akitanyinwa ku kiila ku bino bishima abilondo : « kipindji kia nsaa, bipindji bia nsaa, na kiapankatshi kia bipindji bia nsaa » (3,5 bia bipwa, 42 a mieshi ya bipwa na 1260 a mafuku a bipwa, mu kibafumbwilwe 11, na 13 na kubalondo », kukitshishwa akukakila kwi Ante- Kidishitu mwikale mwina Yuda ; na kwi kamuneeno ka bufumu bwa mwina loma mutudibwe dimo « kibafumbulwe 13 » ; na dimo biimu bi’Efile Mukulu abikamweka pa nsenga (kibafumbwilwe 6 na ku 19).
4.11. Ankinyi akikamweka munkatshi mwa kipungo kia makenga ?
Mianda inanka ikata ayikamweka munkatshi mwa « lubingo » abipatula shi kunyima kwa bipwa bisatu na kipindji bia kumpala bwa kipungo kia makienga.
- Satana (kinyoka kikata) akikaponeshwa pa nsenga kubanga mwiulu (kibafumbwilwe 12,7-9)
- Milambu ayikemana (daniele 9,27).
- Ante- Kidishitu akeshadika mu tempelo (kitumbwilo) na akakonkomeka (kukonkwela) bantu bwa kumulangwila (2tesalonyika 2,4.
- Kintu kiibi kimoo kiakabutu (kiakututshika) akikekala kitudiibwe mu mbalo ya kishila ( mateo 24,15).
4.12. kimwenekielo kia Kidishitu ankinyi ?
Mfumu yesus kidishitu akalukiila pa ino nsega na bukome bose, mushindikishwe na ba mwikeyilu (2 Tesalonika 1,7) na bansantu boso (kupatula kwamba’shi bena Kidishitu sungashi bena kukumina) babekiele beboshibwe na bansatu kwiulu 2 tesalonika 1,10.
Uno mwanda ubekiele ulungulwe (wisambimbwe kwi batemuki bamu kilombeeno kikulu (Ndaniel 7,13-14) akalukiila pa mwengie wa bimuma bia mpafu (zakadiya14) kwakwa kubadiye mwibweshibwe mwiulu (Bikitshino 1,11-12).
4.13. kimwenekiele bwa isalele na bwa elipe akutwela nguba ankinyi ?
Isalele sungashi bikishekishe kasaka kapela mu isalele «kasaka kapela kookolwe --> talanga Loma 9,27, Esaya 10,20-22 » akashinkamisha’shi, kidishitu naye, paye kwikala mwina mawumbo, babadi bamubambe, ungi mususa, abakemwesha na abakamukumina. zakadiya 12,10-14, kibafumbwile 1,7. Kingi kisaka kia muilo wa yisalele akikatshibilwa kiimu.
Elope a kutunduka nguba mushinkamishibwe mu butemuki bu kamuneeno ka bena loma kakitulwe (kibafumbwilwe 13) mbekale bu kafungu ka « bamfumu » abatakula lupolo lwa matalwa abo kwi Mfumu a kaka kamuneeno. (kibafumbwilwe 17,13) ; mukubashimishwa bano’ba abakalwa na mwana a mukooko anka « mwana a mukooko akebatshimuna kwamba’shi, akebashindji » kibafumbwilwe 17,14 talulanyi 19,19. Akalwisha bisaka biangoshi bia elope a kutunduka nguba na penda luwa lwa mukanwa mwaye tala namunyi « kimpulu a kituku mukanwa mwaye » kibafumbwilwe 19,20.
4.14. kimwenekielo bwa kidishitu ankinyi ?
Abikekala kipindji kia ntumbo na kumweneka kulombane, badi mupele kwikashwa bu mfumu kwi bantu (Yoano 6,15)
Batwelele aye nabene mu yelushalema na kwiyisha kukile (zakadiya 9,9 ; mateo 21,7-10 ; badi musumbulwe koso kwa, anka pa kimwenekielo kiaye akewukibwa kwi bantu booso (fidipayi 2,10-11) ; « mutumbishibwe na mukanyimbwe » 2tesalonika 1,10.
Yawa bafwadile kifulo kia meeba (mulawu akafwala ku kiakia kipindji bifulo bia kineemo bibungi (kibafumbwilwe 19,12) na dino eshina adilondo adikafundjibwa paadi « Mfumu a ba Mfumu, Mwanana aba Mwanana kibafumbwilwe 19,16.
4.15. kimwenekielo bwa bena kidishitu ankinyi ?
Sunga shi bena Kidishitu abatengiela kwiboshibwa, bakumine nyi kimwenekielo kia Mfumwabo (2 timote 4,8).
Ku lupese lwa kwibedi adikekala efuku dia malo, bwa bano abakamweshibwa patoka bipeta bia mudimo wa Kidishitu (fidipayi 1,6,10 ; 4,1) na abakakumbashimbwa ku ntumbo na mukukanyibwa akukatambula Kidishitu 2tesalonika 1,10.
Ku lungi lupese, bina muloo ukata nyi efuku adikekala mulambukishi abo, yawa aba balondele, pabadi musumbulwe akekala munemekwe na mushingulwe kwi boso.
Ku lungi lupese namunyi, nyi efuku adikekala dia matapishi (bwedi) 2 timote 4,8.
« Efuku dia kumweneka bwa Mfumu a ba Mfumu » ditungibwe kwikala efuku dia muloo bwa mpianyi aye.
