Mukelenge Yesu : midimu yandi
Tumuki ku dimona imue nseke ya butumbi bua bumuntu bua Kilisto (shap. 1) ne nseke mikuabu ya butumbi bua mudimu wende ku mutshi mutshiamakane (shap. 2). Ku matumbi ende onso aa; kudi kudiakaja makuabu matumbi a mudimu udiye ukuata katataka, ne a mu matuku alualua.
3.1 Mukelenge bu muakuidi munene, udi wenza tshinyi?
Mukelenge wetu Yesu udi muakuidi mutambe bunene, ne mu ngikadilu eu, udi utuakuila (Lom. 8. 34 ne Ebel. 7. 25. 26). Muakuidi wetu munene udi mukumbane bua kukuatshisha badi bateyibua (Ebel. 2. 18) bualu bua wakalua muntu, wakalua nunku "mufuanangane ne bana babu". Udi ukumbana anyi mumanye mua kukenga netu mu mateketa etu ne mu malu etu bualu bua wakateyibua mu malu onso muomumue atudi tuteyibua nau, kayi ne bubi (Ebel. 4. 15). Udi mumanye bimpe bikole mateketa etu (nzala, nyota, dipungi...).
Mu dipungila dikulukulu mudi mindidimbi ya mushinga ibi bua muakuidi mutambe bunene. Alona ne Melekisedeke. Mudimu wa Alona wakadi wa kubuela mu muaba wa tshijila (bua kuakuila) bantu, bua bubi buabu bubuikidibue mu muaba mutambe wa tshijila musangu umue ku tshidimu (Lew. 16). Kadi bua Melekisedeke yeye, wakakolesha Abalahama ne diampa ne nvinyo kunyima kua nvita (Gen. 14. 18). Wakabenesha Abalahama ne wakabenesha "Nzambi
mutambe bunene wa mu diulu" (Gen. 14. 19, 20).
Lelu, Mukelenge Yesu udi muakuidi munene wa mu mulongo wa Melekisedeke. Kadi mudimu udiye ukuata; udi ufuanangana ne buakuidi bua Alona. Wakavuija dibuikidibua dietu dia mibi ku mutshi mutshiamakane ne udi utuakuila. Matuku adi alua, kunyima kua dikenga dikole didi mu buakabuluibua, neakoleshe kasumbu kakese ka lulamatu ka bena Yuda kunyima kua nvita yabu, bu muakenza Melekisedeke mu tshikondo tshiandi, ne neateke bukelenge buandi bua bidimu tshinunu bua disanka dia bantu bandi ba Isalele. Mu tshindo adi, Nzambi neabeneshibue bu "Nzambi mutambe bunene wa mu diulu".
3.2 Mukelenge udi wenza tshinyi bu muakuidi (avocat)?
Bu muakuidi, Mukelende udi pabuipi netu patudi tuenza bibi. Muena kuitabuja kena mu tshilele tshia kuenza bibi nansha, kadi udi mua kuenza bibi ku mpukapuka. " Bana banyi bakese, ndi nufundila malu aa bua nuenu kanuenji bualu bubi. Bienza muntu bibi, tudi ne Muakuidi kudi Tatu, Yesu Kilisto udi muakane" (1Yone 2. 1).
Udi muluatshishibue ne ngikadilu mupuangane ne wa pa buende bua kuangata mu bianza biende bilumbu bietu, bualu udi "muakane". Nzambi atumbishibue, kena ukumbana nunku anu patudi tumutondela bubi buetu nansha, kadi udi nunku kubanga anu diba ditudi tuenza bibi, yeye ke udi wangata mushindu anyi njila.
3.3 Kilisto neakokeshe bu Mukelenge pa buloba anyi?
Eyo.Dipungila dikulukulu didi ne meyi a bunyi a tshiprofete pa bualu ebu adi ajadika; bu mutudi mua kutela anu amue abu:
- "Meme panyi ngakujadika Mukelenge wanyi pa mutu Siona mukuna wanyi wa tshijila" (Mis. 2. 6).
- "Yepowa neikale Mukelenge wa buloba bujima. Mu dituku adi Yepowa neikale anu umue" (Zek.14. 9).
Mifundu ei ya mu Mukanda wa Nzambi, kayena ishiya mpata ne dituku dikuabu, bualu ebu nebukumbane nansha.
3.4 Mbuatshinyi bidi ne mushinga wa bunyi (bua mukelenge akokeshe pa buloba)?
Pakumusha ne Nzambi ke udi wamba, bidi ne mushinga kabidi bualu bua Kilisto wakabengibua pakaluaye pa buloba mu ngasa. -Anu mu muaba eu wakabengibuaye, wowo keudiye ne bualu bua kukokesha ne kumumanyibueye pabuloba bujima.
Kilisto wakadipuekesha nkayende, ne Nzambi udi usua kujadika dibandishibua diandi (Filip. 2. 5-11; Yesh. 52. 13-15).
3.5 Bualu ebu nebukumbane tshikondo kayi, ne bua bidimu bunyi munyi?
Tshikondo tshia Ekeleziya netshijike tshikondo tshiambudibua ekelezia mu diulu. Kunyima, misangu mikuabu kunyima kua kakondo kakese, tshikondo tshia bidimu muanda mutekete tshia makenga netshilue. Kundekelu kua tshikondo etshi, Kilisto neamueneke mu bukole buandi, neajadike bukelenge buandi, buashala bidimu 1000 : "Ne bobo bakikala ne muoyo, ne bakakokesha ne Kilisto bidimu tshinunu" (Buak. 20. 4). Ke buatshinyi bukelengelu bulualua ebu budi bubikidibua ne "millenium" (bidimu tshinunu).
3.6 Nebuikale mushindu kayi (bukelenge bua bidimu tshinunu)?
Kilisto neakokeshe mu ditalala ne mu buakane (Yesh. 11. 3, 5) ne mu tshijila (Zak. 14. 20, 21). Buloba nebusukudibue mu mushindu wa ne, Yeshayi udi mua kuakula bua bualu buabu ne "buloba bupiabupia" (Yesh. 65. 17; 66. 22). Diunvuangana ne buobumue nebimueneke mu bufuki "tshimungu netshilale mu nzubu umue ne muana wa mukoko..." (Yesh. 11. 6-8). Ne "buloba bujima nebuule ntente ne kumanya kua Yepowa, bu mudi mayi a mu mayi manene
abuikila miaba yawu yonso" (Yesh. 11. 9) tangila kabidi Yeshayi 35.
Netshikale tshikondo tshia disanka (Yesh. 65. 18, 19). Satana neikale musuikibue muedibue mu dina didi kadiyi ne tshishikidilu (Yesh. 20. 1, 2). Bienza muntu bibi (bidi kabidi mua kuenzeka nunku, nasha bikala satana musuikibue, bantu nebikale kabidi ne (mubidi wa bubi), ne nebikala mua kuenza malu mabi mu disua diabu) nealumbuluishibue lukasa (Mis. 101. 8; 65. 20).
Isalele neika nsagilu wa bukelenge bua Kilisto, ne muaba wa dibenesha wa bantu ba bisamba bia bende (Yesh. 65. 18-20; Zak. 14. 16, 17).
Ekeleziya mu tshikondo atshi, neikale musoko wa mu diulu, "Yelushalema wa tshijila" (Buak. 21. 9 ne ku 22, 5).
3.7 Bidi bimpe bua bena Kilisto kubikila Kiliso bu Mukelenge (Roi) wabu anyi?
To nansha mu bikondo ebi nansha mu bikondo bilualua. Yeye udi Mukelenge wabu (Seigneur), neikale Mukelenge (Roi) kadi ke Mukelenge (Roi) wabu nansha.
Bena diku dia bukelenge kabena babikila mukekelenge ne "wa kunemeka"nansha. Badi batambe kuikala pabuipi ne ne mukelenge kupita bantu bakuabu ba tshianana ba mu bukelenge buandi.
Mushindu umue, bena kilisto badi tshitupa tshia mukajende musela, Ekelezia (tangila shap. 7) ne badi bamanye Kilisto bu Mulume wabu (ne bu Mutu wa Ekelezia utangile kanungu ka 3. 10; Ne ka 3. 8.) ne bu Mukelenge (Seigneur) wabu.
3.8 Muaku bukelenge bua Kilisto budi bunvuija tshinyi?
Bena kuitabuja badi bamanye ne disanka dionso ne, Kilisto udi Mukelenge wabu. Mifundu ya mu ngumu mimpe inayi, idi ituleja bayidi bandi babikila Kilisto bu "Mukelenge" wabu. Kunyima kua lufu ne dibika dia Kilisto, Bakamana kuamba ne Nzambi wakamuvuija "Kilisto ne Mukalenge" (Bien. 2. 36). Pa tshibidilu, bena kilisto badi babikila "dina dia Mukelenge wetu Yesu Kilisto" (Kol. 1. 2 ne Tim. 2. 22). Muena kuitabuja udi mujadike ne wakamana "kusumbibua ku mushinga" (1 Kol. 6. 19) ne udi mumanye bukelenge bua Kilisto. Udi udimona bu "mupika wa Kilisto" (Filip. 1. 1).
3.9 Kilisto udi anu Mukelenge anu kudi bena kuitaja anyi, ne kudi kabidi badi kabayi bena kuitabuja?
Makokeshi a bukelenge bua Kilisto budi butangila too ne kudi badi kabayi bena kuitabuja, nansha bikalabo bobo bateta kuavila. Mu bualu ebu, muaku mukua wa "mutambe (souverain) tangila 2 Pt. 2. 1[Lk 2. 29 ne note mu Bible wa Darby )" udi mufundibue mu dipungila dipia dipia.. Kadi dituku nedilue dikala "ndimi yonso" mua kuamba ne Yesu Kilisto udi "Mukelenge" (Filip. 2. 11). Ebi nebikumbane pamuenekeye mu butumbi buandi (tangila L. 4. 12; L. 4. 15).
3.10 Kuamba kua ne Kilisto udi Mutu (Nfumu) kudi kunvuija tshinyi?
Mu français ya mu Mukanda wa Nzambi, misangu mikuabu badi bafunda "chef", misangu mikuabu bafunda "tete" (mutu); kadi mu mifundu ya ku tshibangidilu kudi anu muaku umue bua yonso ibidi. Kilisto udi nfumu anyi (mutu) mu mishindu mishilangane. Udi nfumu…
- ... pankayende wa mulume yonso (1 Kol. 11)
- ... bua buloba bujima: Pa bintu bionso (Efes. 1. 23).
- ... ku mubidi: wa Ekelezia (Efes. 1. 23; 5. 23; Kolos. 1. 18).
Bukelenge bua Kilisto budi busuikakaja ku bukokeshi buende kudi bena mudimu anyi bapika, anyi kudi muena kuitabuja muntu ne Mu français ya mu Mukanda wa Nzambi, misangu mikuabu badi bafunda "chef", misangu mikuabu bafunda "tete" (mutu); kadi mu mifundu ya ku tshibangidilu kudi anu muaku umue bua yonso ibidi. Kilisto udi nfumu anyi (mutu) mu mishindu mishilangane. Udi nfumu…
- ... pankayende wa mulume yonso (1 Kol. 11)
- ... bua buloba bujima: Pa bintu bionso (Efes. 1. 23).
- ... ku mubidi: wa Ekelezia (Efes. 1. 23; 5. 23; Kolos. 1. 18).
Bukelenge bua Kilisto budi busuikakaja ku bukokeshi buende kudi bena mudimu anyi bapika, anyi kudi muena kuitabuja muntu ne
