Ang Panginoong Jesu-Cristo – Ang Kaniyang Persona
1.1 Sino si Cristo?
Ang katanungang ito (Mat. 16:15) ay ang pinakamahalagang tanong na haharapin mo. Ang Ebanghelyo ayon kay Juan ay nasulat ‘upang kayo'y sumampalataya na si Jesus ang Cristo, ang Anak ng Diyos; at sa pagsampalataya ay magkaroon kayo ng buhay sa kanyang pangalan’ (Juan 20:31). Siya ay naging tao (dagdag kaalaman tungkol dito sa T 1.9 – T 1.19) at namuhay sa mundong ito sa loob ng 33 mga taon. Siya ay na-iproklama na walang kasalanan ng isang korte ng Roma nguni’t napako sa krus. Pagkatapos ng tatlong araw Siya ay muling nabuhay at pagkalipas ng 40 araw, umakyat Siya sa langit. Siya ay muling darating, una upang kuhanin ang mga sumasampalataya sa Kaniya, at pagkatapos ay Kaniyang hahatulan ang sanglibutan at itatayo Niya ang Kaniyang kaharian sa kapangyarihan.
1.2 Ano si Cristo kung gayon, isang tao o Dios?
Pareho. Siya ang “taong si Cristo Jesus’ (1 Tim. 2:5) pero Siya rin ay ‘ang tunay na Dios’ (1 Juan 5:20), ‘Dios na maluwalhati magpakailanman’ (Rom. 9:5)
1.3 Mayroon bang mga pagtukoy sa Biblia na nagpapakita na si Cristo ay Dios?
Oo, marami! Ang Biblia ay di nag-iwan ng anumang pag-aalinlangan na Siya ay Dios. Pansinin mo ang mga sumusunod:
Ang Kaniyang ‘pre-existence’:
- Naroon nang nilikha ang sanlibutan: (Gen. 1:1,26 (‘natin’); Juan 1:1; Heb. 1:2), at noong panahon ng Lumang Tipan bilang ‘Ang anghel ng Panginoon’ [1] (Hukom 6:11-22 atbp.).
Ang Kaniyang mga katangian:
- Siya ay walang hanggan (Isa. 9:6; Mik.5:2; Juan 8:58 atbp.)
- Wala Siyang pagbabago (Mal. 3:6; Mga Awit 102:25-27; Heb. 1:10-12)
- Siya ang makapangyarihan sa lahat (‘Siya angmakapangyarihan sa lahat’, Pahayag 1:8; Filipos 3:21)
- Siya ang nakakaalam ng lahat (‘Kaniyang nalalaman ang lahat. Juan 2:25; 6:64; 21:27 atbp.)
- Siya ay nasa lahat ng dako (Siya ay nasa lahat ng lugar’ Efeso 1:23; Mateo 28:20 atbp.).
- Iba pang mga patunay
- Nilikha Niya ang lahat ng mga bagay (Juan 1:3,10; Col. 1:16; Heb. 1:2)
- Kaniyang pinapanatili at pinagpapatuloy ang lahat ng mga bagay (Heb.1:3; Col 1:17)
- Pinakita niya ang banal na kapangyarihan sa pamamagitan ng maraming mga himala, at pagbibigay sa maraming iba ng kapanyarihan gumawa ng mga himala (Mat. 10:1), at sa pamamagitan ng mga himalang ginawa ng maraming iba pa sa Kaniyang pangalan (e.g. Acts 4:10)
- Nagpapatawad Siya ng mga kasalanan (Lk. 5:24; Col. 3:13)
- May kapangyarihan Siyang ihain ang Kaniyang buhay at kuhanin itong muli (Jn.10:17-18; 19:30)
- Siya ay nagbangon mula sa mga patay, at Kaniyang bubuhayin ang mga namatay (Jn. 5:28.29;11:25)
- Siya ay nagbibigay ng mga gantimpala (2 Cor. 5:10; 2 Tim. 4:8)
- Tumatanggap Siya (at nagtatamo) ng pagsamba (Jn. 5:23; Jn. 9:38; Lk. 24:52)
- Hahatulan Niya ang sanlibutan (Jn. 5:22; Acts 17; 31; Rev. 20:12).
- Ang Jehovah ng Lumang Tipan ay ang Jesus ng Bagong Tipan. Si Jehovah ay ‘ang una at ang huli’ (Is. 41:4,44:6,48:12), at gayon din ang Panginoong Jesus (Pahayag 1:17,2:8,22:13). Kinilala ni Juan Si Cristo kasama ni Jehovah (ikumpara and Juan 12:40,41 at Is. 6:1-5)
1 Ang Anghel ng Panginoon sa Lumang Tipan ay si Jesu Cristo, bago pa ang ang kaniyang pagkakatawang tao (Genesis 22:11,12; Exodo 3:2-6; Judas 5:23; 6:11-22; 13:3-21; atbp.)
1.4 Subali’t paano Siya magiging Dios, at kasabay nito’y ang pagiging ang Anak ng Dios?
May tatlong banal na persona: Ang Ama, Ang Anak at ang Espiritu Santo. Ang bawat isa sa kanila ay ‘Dios’.
- Para sa Anak ng Tao tingnan ang T 1.2 at ang T 1.3 • Para sa Ama, maraming mga pagtukoy sa Kaniya bilang ang ‘Dios at Ama’ (hal. Eph. 1:3)
- Ang Espiritu ay walang hanggan (Heb. 9:14), nasa lahat ng dako (Mga Awit 139:7) at may pagkapantay (‘gaya ng’) ang Ama at ang Anak (tingnan Mt. 28:19; 2 Cor. 13:14).
Gayunma’y walang maraming mga dios, kundi ang ‘Dios ay iisa’ (1 Tim. 2:5). Tingnan din ang 1 Corinto 8:4; Galacia 3:20.
1.5 Ano ang kahulugan natin sa ‘Trinidad’?
Kaunahan, kung ano ang kasasabi lamang natin (T 1.4): may tatlong persona sa pagka Dios, gayunman ang Dios ay iisa. Hindi natin mauunawaan ang Trinidad.Hindi ito para sa katwirang pantao – kundi para sa pananampalatay upang sumamba. Ang ekspresyong ‘trinidad’ ay hindi makikita sa Bibliya, subali’t ang katotohanan ay ipinapahayag sa Biblia.
1.6 Ang mga Kristyano ba ay naniniwala sa mahigit sa iisang Dios?
Hindi. Kung minsan ang akusasyong ito ay ginagawa mula sa kamangmangan. Ang Kristyanismo ay sadyang pang nag-iisang Dios, o, nakatayo sa pananampalataya sa isang Dios (T 1.4).
1.7 Meron bang mga antas sa pagka-Dios?
Wala. Kung may sinoman na tumukoy sa Ama, Anak at Espiritu bilang ‘una’, ‘pangalawa’, at ‘pangatlo’ persona ng pagka-Dios, hindi ito nagpapa-hiwatig ng anumang pagkaka-iba sa kanila kundi upang hanayin lamang sila. Mas mainam na hindi sila tukuyin sa ganitong paraan upang maiwasan ang kalituhan.
1.8 May mga kaugnayan ba sa mga persona ng pagka-Dios?
Oo. Si Cristo ay ang Anak ng Ama. Ang kaugnayang ito ay parating naroroon na sa mga nakalipas na panahon, sa nakaraang walang hanggan. Siya ang Anak nang ibinigay Siya ng Dios (Juan 3:16; Isaias 9:6), Siya na nga ang Anak nang nilikha ang buong sanlibutan (Hebreo 1:2), at ang Ama ay iniibig ang Anak bago pa man ginawa ang sanlibutan (Juan 17:24).
1.9 Bakit lubhang mahalaga kung may sinoman ang magkaila na ang Panginoong Jesus ay ang walang hanggang Anak?
Sapagka’t kung ang katotohanang ito ay talikdan, ang lahat ay wala na rin. Ang pinakanatatangi sa Kristyanismo ay ang katotohanang ang Dios ay Dios ng pag-ibig. Subali’t paanon natin makikilala ang ang pagibig ng Dios? Sapagka’t ibinigay Niya ang Kaniyang Anak, ang tanging Anak na meron Siya (Juan 3:16 at 1 Juan 4:9,10,14, at ikumpara sa Genesis 22:2 at Marcos 12:6). Kung ang sinoman ay tanggihan ang pagiging Anak ng Dios ni Cristo bago pa man ito isilang, kapareho din ito sa pagsasabing nagsugo ang Dios ng isang persona, hindi ng Kaniyang bugtong na Anak!
Bukod sa rito, Ang Dios ay nahayag sa Kaniyang Anak. Ipinakilala ng Anak ang Ama. Kung hindi Siya Ang Anak bago Siya naparito, kung gayon ay hindi pa rin natin makikilala ang Ama bilang Ama (Juan 1:18; 14:9-11).
1.10 Si Cristo ay tao at Dios din naman – mauunawaan ba ito ng sinoman?
Hindi, wala sinoman makakaunawa nito. Ang Dios ay napaka-dakila upang maunawan ng limitadong kaisipan ng tao. Subali’t maaari natin ito paniwalaan. ‘Ang Salita ay sumasa-Dios’ (Juan 1:1 – Ang Panginoong Jesus ang tinukoy bilang ‘Ang Salita sa Juan 1) at nagkatawang tao ang Salita’ (naging tao, Juan 1:14). Tingnan din ang Mateo 11:27: ‘walang nakakakilala sa Anak kundi ang Ama’.
1.11 Bakit lubhang mahalaga na si Cristo ay parehong Dios at tao?
Una, sapagka’t, kung hindi ganito, hindi magagawa ni Cristo ang gawain ng pagtubos. Kinailangan niyang maging tao upang mamatay. At kailangan na maging Dios Siya upang magampanan niya ang tumutubos na gawain sa banal na kapangyarihan: ‘Nang magawa na niya ang paglilinis ng mga kasalanan’ (Hebreo 1:3, tingnan din ang Colosas 1:19).
Gayon din, kailangan na Siya’y Dios at tao upang mamagitan sa Dios at sa tao (1 Timoteo 2:5). Ang isang tagapamagitan ay isa na maaaring makapaglagay sa mga balikat ng magkabilang panig upang pagasamahin sila. (tingnan ang Job 9:33).
Pansinin na bawat katanungan na may kinalaman kay Cristo ay mahalaga. Kung ang isang tagapagturo ay hindi dalhin ang mga ‘katuruan ni Cristo’, nararapat na siya ay tanggihan (2 Juan 9-11).
1.12 Kailan naging isang tao si Cristo?
Mahigit kumulang sa 2,000 mga taon na ang nakalilipas, nang Siya ay ipinanganak sa Bethlehem (tingnan ang Mikas 5:2; Lucas 2:4-7). Ito ang punto ng panahon na tinatawag ng Dios na ‘ganap na kapanahunan’ (Galacia 4:4). Nasubok na ang tao sa lahat nga maaaring paraan ng pagsubok at siya ay ganap na nabigo. Yaon ang oras na sinugo ng Dios ang Kaniyang Anak at nagsalita Siya sa Kanya: (sa pamamagitan o sa) Kaniyang persona.
1.13 Nang Siya ay naging tao, tumigil ba ang Kanyang pagka-Dios?
Hindi. Siya ay Dios at parating Dios. Ito ay malinaw. Ang Dios ay walang hanggan at hindi maaaring tumigil ang Kaniyang pagiging Dios. (Colosas 1:19; 2:9).
1.14 Titigil ba kailanman ang pagiging tao ni Cristo?
Hindi. Siya ay ibinangon mula sa mga patay (1 Corinto 15) at umakyat sa langit, at doon Siya ngayon ay naroon bilang niluwalhating tao. Ito ay mahalaga sapagka’t Siya ngayon ang ating Punong Saserdote (Tingnan ang T 3.1); isa na naging tao sa ganang Kanyang sarili at nalalaman niya kung paano tuksuhin at subukan sa mundong ito, bagaman hindi Siya at wala Siyang likas na makasalanan. Maaari siyang maki-simpatya at manalanging para sa atin sa ating buhay dito. Kapag napakita Siya sa kapangyarihan (tingnan T 4.14 at T 4.15), Mananatili Siyang ang ‘Anak ng tao’ (Mateo 24:30; 26:64).
1.15 Mayroon ba Siyang espiritung pantao, kaluluwa at katawang pantao?
Oo, Siya ay isang tunay na tao, at isang taong may espiritu, kaluluwa at katawan (1 Tesalonica 5:23).
- Hinggil sa Kaniyang espiritu, sinasabi, ‘Siya ay nabagabag sa espiritu at nabahala,’ (Juan. 11:33). Tiyak, hindi ito ang Espiritu Santo, kundi ang Kaniyang espiritu bilang tao.
- Hinggil sa Kaniyang kaluluwa sinasabi, ‘Ngayon ay nababagabag ang aking kaluluwa.’ (Juan. 12:27).
- Hinggil sa Kaniyang kaluluwa, ang Biblia ay nagsasabi, ‘ipinaghanda mo ako ng isang katawan’ (Hebreo 10:5). Sinsabi rin nito na ang kabuuan ng Dios ay naninirahan sa Kaniya (Colosas 2:9). Higit pa sa rito, may mga pagtukoy sa mga Ebanghelyo sa mga bagay na maaaring maranasan lamang Niya kung meron Siyang isang normal na katawang pantao, gaya sa Juan 4:6.
Napakagandang makita na ang sakdal na pagkatao ng Panginoon ay nahayag sa ganito kalinaw na mga termino.
1.16 Siya ba ay isang tao kagaya natin?
Oo, (Hebreo 2:14) maliban sa kasalanan: ang bawat supling ni Adan (kabilang dito ang bawat lalaki, babae at bata na nabubuhay ngayon) ay may likas ng kasalanan (Roma 5) subali’t ang Panginoong Jesus ay hindi nagkaroon ng likas ng kasalanan. ‘Siya sa lahat ng punto ay tinukso gaya natin, gayunman ay walang kasalanan’ (Hebreo 4:15). Pansinin natin:
- Si Cristo ay hindi gumawa ng anomang makasalanang gawa ‘...na hindi nagkasala’ (1 Pedro. 2:22)
- Hindi Niya kilala ang kasalanan (‘siya na hindi nakakilala ng kasalanan’, 2 Corinto. 5:21), at
- Walang kasalanan sa Kanya (walang likas ng kasalanan) sa Kanya kaya’t kung ganoon ay hindi maaaring magkasala (1 Juan. 3:5 – tingnan din 1 Juan. 3:9).
1.17 Kung si Cristo ay hindi maaaring magkasala, paano Siya tinukso?
Ipinakita sa mga ebanghelyo na si Cristo ay tinukso ng diablo (satanas, Marcos 1:13) sa kalalagayang ipinakita niya ang mga tukso sa Kaniya, subali’t walang anuman sa Kaniya na tumugon sa mga ito. Dito tayong lahat ay nagkaiba sa Kaniya: tayong lahat ay mayroong pagkiling upang tumugon sa mga panunukso ni Satanas – ang pita ng mga mata, ang pita ng laman at pagmamataas sa buhay (1 Juan 2:16) – sapagka’t tayo ay mga nasa laman, ang likas ng kasalanan ay nasa atin, subali’t hindi ganito kay Cristo. Siya ay tinukso, hindi para malaman kung Siya ay magkakasala, kundi upang ipakita na hindi Siya magkakasala.
1.18 Si Jose ba ang Kanyang tunay na ama?
Hindi. Si Cristo ay walang ama sa laman. Sinabi ni Gabriel kay Maria, ‘Bababa sa iyo ang Espiritu Santo at lililiman ka ng kapangyarihan ng Kataas-taasan. Kaya't ang batang banal ay tatawaging Anak ng Diyos.’ (Lucas 1:35). Kapansin-pansin, ang lalaki na sumulat ng ebanghelyo na kung saan ay mababasa natin ito ay isang manggagamot (Colosas 4:14).
Ang ulat na ibinigay ni Mateo ay nagpapatunay nito. Nang malaman ni Jose na si Maria ay nagdadalang-tao, gusto niyang iwanan siya ng palihim. Subali’t ang anghel ng Panginoon ay napakita sa kanya at sinabi na huwag niyang gawin ito, at huwag siyang matakot, sapagka’t ang nasa tiyan ni Maria ay sa Banal na Espiritu. Meron pa bang makapagpapaliwanag ng mas malinaw kaysa rito?
Anomang pag-aalinlangan ay tinatanggal ng mga kataga: ‘Ngunit hindi niya (Jose) ito (Maria) nakilala hanggang sa maipanganak nito ang isang lalaki[b] na pinangalanan niyang JESUS’ (Mateo 1:25; tingnan rin Mateo 1:18).
1.19 Si Maria ang Kaniyang tunay na ina?
Oo. Kahit ang pinaka-unang hula tungkol sa Panginoon ay tumukoy sa Kaniya bilang ‘binhi ng babae’ (Genesis. 3:15). Sinabi ni Pablo na ang isa sa mga pribilehiyo ng mga Israelita ay: ‘sa kanila, ayon sa lahi ang Cristo ay nagmula’ (Roma 9:5). Higit pa riyan, mababasa natin sa Juan 7:42 ‘Hindi ba sinabi ng kasulatan na ang Cristo ay manggagaling sa binhi ni David, at mula sa Bethlehem, ang bayan ni David?’ Ang isa pang napakalinaw na pagpapatibay ay makikita sa Roma 1:3, na nagsasabi ‘tungkol sa kanyang Anak na mula sa binhi ni David ayon sa laman.’ Tingnan din ang 2 Timoteo 2:8.
1.20 Kung gayon meron ba talagang natatanging kalalagayan si Maria, at kung meron nga ano ito?
Oo, mayroon. Sinabi sa kanya ni Gabriel, ‘pinagpala ka sa babaing lahat’ (Lucas 1:28), at bandang huli si Elizabeth na puspos ng Banal na Espiritu ay inulit ang mga ganito ring mga salita (tal. 42). Isa ngang malaking pribilehiyo na maging ina sa laman ni Cristo bilang tao. Gayunman, ang mga lalaking pantas na mula sa silangan ay dumating sa Jerusalem (Mateo 2) sapagka’t ‘nakita nila (hindi ng kanyang ina) ang Kaniyang bituin, at sila’y dumating upang Siya’y sambahin (hindi si Maria) (Mateo 2:2). Pinatnubayan sila ng bituin na pinangunahan sila, hanggang sa ang bituing ito ay tumigil sa tapat ng kinaroroonan ng sanggol (hindi ng ‘Kanyang ina’ (Mateo 2:9). Kapansin-pansin, sinabi din: ‘ …nakita nila ang sanggol kasama ang kanyang ina (hindi ang ina kasama ang sanggol), at sila’y yumukod, at sinamba Siya (hindi si Maria) (Mateo 2:11). Tingnan din ang mga salita ng Panginoon kay Maria sa Juan 2:4 at ang Kaniyang mga salita hinggil sa kanilang kaugnayan sa Marcos 3:31-35.
Sa mga kumikilala kay Maria ng mataas na pagtingin ay makabubuti sa kanila na sundin ang sinabi nito bilang isang payo: ‘Anoman ang Kaniyang (Jesus) sabihin, sundin ninyo’ (Juan 2:5). Ang sinabi ng Panginoon kay Juan, ‘narito ang iyong ina (Juan 19:27) at ang katotohanan, na mula sa oras na yun sinama ni Juan si Maria sa kanila, si Maria ay walang kakaibang likas na kapangyarihan, kundi nangailangan siya sa kaniyang sarili ng isa na mag-aalaga sa kanya. Hindi tatawagin ni Maria ang Diyos na 'aking Tagapagligtas' (Lucas 1:47) kung siya ay ipinanganak na walang kasalanan at Ina ng Dios gaya ng sinasabi ng ilan.
Kapag ang isang babae ay nagsabi sa Kanya na pinagpala ang Kaniyang ina (‘Mapalad ang sinapupunang sa iyo'y nagdala…’ Lucas 11:27) ang Panginoong Jesus ay sumagot at nagsabi, ‘sa halip, mapalad silang nakikinig sa salita ng Dios at sinusunod ito.’
Sa katapusan, sa Mga Gawa 1:14 si Maria ay nabanggit bilang isa sa mga babae na nagpapatuloy na kasama ng mga alagad sa pananalangin. Walang natatanging gawain ang naitala bilang papuri sa kanya.
Sa madaling sabi, si Maria ay may natatanging dako, nguni’t sa pribiliheyo hindi sa kapamahalaan o kapangyarihan. Ang magdasal sa kaniya ay isang simpleng idoloteria. Ang pagsamba ay para sa Dios lamang.